Endahna lembur Jambu nu dipapaes ku pasawahan
anu kacida waasna! lembur singkur nu aya di tungtung kota Subang tegesna Dusun Jambu Desa Sidajaya
Kacamatan Cipunagara Kabupaten Subang. Sakapeung sok nineung dibarengan ku rasa ngenes ningali kaayaan
masyarakat nu hirupna teu jauh tina hasil tatanen. Leok na angin ngahiliwir nembragan daun pare nu
meujeuhna koneng bari di wawaas ku bebegig sawah nu cicing ditengah-tengah
kotakan euyak- euyakanan katembrag angin anu keur ngagebahan
sarupaning manuk euteup dina ranggeuyan pare anu gumecrot.
Bebegig teh dijieuna
ti jarami pare nu dibeungkeut ku tali
tina gadebog atawa jarami, sangkan
ngabentuk jiga jelema, hulu bebegig dijieun tina batok kalapa, tepesna dijieun buukna.
Beuheung bebebgig
dijieun tina dahan kayu atawa tina awi anu teu beda hulu wayang golek nu dicecebkeun ka awakna.
Geus
sempurna tuluy bebgig dibajuan ku baju butut, tuluy eta bebegig teh ditancebkeun ditengah kotakan.
Garapan : “Kang Purnama”
Tidak ada komentar:
Posting Komentar